Part 2-2: Cucu Nek Ma Rambut; 3 Buku, Jam Tangan dan Buaian Budak.

Sehari duo ni Am Aslan hilang dari 'scene' kodai Aji Din Daniel. Ikut kato Man Panu, dio donga dari Mus Kobao, yang kato eh diboghitau dek Pian Senget, yang dapek beghito dari Tok Nangnang, kato eh Am Aslan toghuk kono pulau sobab main cenekel maso lawan catur mo Cik Lara Cun hari tu.

Tapi semuo orang kampung Simpang Jep Leprikon tau, duo tigo hari sok muncul la balik Am Aslan tu. Paling jauh dio beghani poie pun cumo ke Pontian. Bilo dah dapek aka baru nak membongak sok, gerenti dio buek 'comeback' sampai oghang lupo kemusibatan lamo eh tu.

Takdo ghiuh Am Aslan pun, aktiviti kampung totap 'on' macam biaso. Yang membuek perisian kompiter totap nonggok dopan bondang Uwan Lijah Kayo sambil mencaghi idea baghu. Tokey tokey pasaghayo bosa dan godung tekstil totap lambek bukak kodai. Dah kayo koba eh. Tuan tuan punyo 'showroom' drone masih bolun hilang lagak eh menayang Sarah Ayuni V, drone model terbaghu. Siapalih punyo bising bunyi eh bilo teghobang pagheh dado budak.

Tapi ceghito Muna memboduk Aunty Ita totap 'trending' di twitter cenel kampung. Cenel mamak tak tau la apo yang tongah paneh nijam.

...

Binja pun donga eh tongah iyo-iyo ngajak Meliza kahwin lari...ke Mongolista.

Bersambung...