sambungan Part 1: Bebughak Dengan Pembongak

Am Aslan termonung panjang.

Lamo ditonung eh petak-petak tu. Jaghi eh kojap mogang, kojap dilopeh buah dopan mato.

 'Cilako amek kok camni. Buek salah tak buek salah ni.', Am Aslan maghah dalam hati.

Bilo Binja dah membontak, baghu Am Aslan tersoda.

'Ha dogheh la woi! Ntah hapo yang dilamun eh. Nak buek, buek ajo la.' Bontak si Binja.

Am Aslan sengeh.

Diangkek eh buah 'queen' hitam, dilotak eh dalam tigo petak dopan 'king' putih. '

Cekmet.', koba Am Aslan sambil nunjuk mulo banggo.

'Gampang!', bingkeh Binja bangun sambil mencampak an kek Am Aslan 3 koping tudung Oren brand koka kola lamo yang 'rare'.

'Esok den nak repeat!!!', laung Binja dari ateh biska eh.

Am Aslan sengeh lagi.

bersambung...